إصحى يانايم .. يانايم إصحى
عروبة خايبة ... وعنيها بجحة
تنديد وشجب .. بعيار تقيل
وقت الكوارث .. ندب وعويل
أصل وحضارة وجذورنا مادة
وفروعنا ناشفة ... بقالها مدة
إصحى يانايم ... وكفاية نوم
شيل اللحاف ... ياللا وقوم
نومك ياغالى ... شخيره عالى
صوته مسمع ... صحى الأعادى
إصحى ياللا ... وهز الكتاف
صهيونى شافك فلء وخاف
ياأقصى أصبر ... أصبر شوية
وسيبنى انام ... حلمك عليا
ياقدس إهدى ... واوعى تخافى
إسراءيل دى خايبة وعيالها فافى
إسراءيل دى حتى فرقة عبيطة
أنا بس أنوى ... ديتها شوطة
إوعى تفكر ... إنى ضعيف
دانا بتكتك ... على خفيف
حجرين معسل كده ف السريع
وسجارة بنى ... ل اخوك وديع
هاتلقى خطة ... مالهاش مثيل
محبوكة حبكة .. بحبل الغسيل
وهاكتب عليها ... سرى وخطير
ولجل الضرورة .. وكلام خبير
شفرة مابينا. ..... يامكى طير
إصحى يانايم ... إصحى وصحصح
ياأقصى جايلك ... بعد اما ريح
دماغى صدع ... خلص الكلام
وإيدايا تعبت .... ياللا سلاااااااام
هاخدلى غفوة ... وبعدين هافوء
عشان اجيلك ... واعرف أسوء
وكلمة منى. ... بينى وبينك
ياأقصى شوفلك حد يعينك
بقلمى أحمد أبو عاصم
ليست هناك تعليقات:
إرسال تعليق