كلمات غنائيه عاميه
* ( وليه ) *
وليه الخطوه واخدانا
ما نعرف طريقها رايح فين
ونلاقي السكه مشتاقه
خطانا عليها بقالها سنين
وليه الدمع متحاشه
في عيون تايهين
الله عليك يا مدور
علي الغايبين الله عليك يا مداوي جروح غايرين
ومين حيبقي في عنينا
وفي الوجدان
ومين حيمشي ولا يسأل
دا مش انسان
وادينا فيها رايحين
ما في عنوان
واديها كمان بتسوقنا
لفين يا سلام
ايام بتروح وبتيجي
ما فيش احلام
ايام تقولي وتقولك
وكله كلام
ومنين حنجيب جوانا
حنين وامان
وامتى حيصحي جوانا
ضمير انسان
مدام الدنيا قسمانا
قوي وغلبان
لا يوم حيجي يوم حقك
وحقي كمان
و شوف القسوه
والحيره و زيد حرمان
ليست هناك تعليقات:
إرسال تعليق