..................بسم الله الرحمن الرحيم.................
**********************
( بناء علي رغبة كل اﻻصدقاء وبالحاح مشكور) منهم اكتب
حكايتي بل حكاية كل او معظم ابناء جيلي
من الريف في اﻻربعينيات و الخمسينيات اﻻ من ابا
............( البداية )...........
**************
.............. ( الجزء الأول )...........
*****،**************
من البدايه. كنت انا مولود ضعيف اتولد في الريف
زيي كل اهل الريف مخاليق بساط طفلهم يرضع عياط
ﻻام فاضيه.. تهننه وﻻ توب نضيف واﻻب هايم في الخﻻ
ينبش في طين اﻻرض طول وعرض لجل سنبله تصبح رغيف
لو طري من غير غموس او مقدد واللي وجعاه الضروس
الترعه عنده يغمسه من غير فلوس ربك لطيف
الغﻻبه ايي شئ بيرضوا بيه لو حتي ايه
القليل يصبح كتير والقناعه طبع الشريف
والشرف عندنا .في البلد موروث ولولد الولد
الشهامه في الريف عﻻمه وشئ ظريف
اللي عنده يدي اللي . ماعندهوش والغني فيهم فقير
اللي حيلته يادوب قروش ويعملوا ايه بالقروش
بكوزين دره سكر وشاي او ببيضه بس الفراخ يدنهم وﻻيقطعوش
بيصرفوا علي كل بيت من جاز لزيت
وبتيجي فره تلمهم
علي بعضهم وﻻ يصبحوش........@
...............(الجزء الثاني)...............
****************
رغم زهد الفﻻحين اللي عايشين علي الكفاف
ابويه كان يحبني من صغري شالني علي الكتاف
يفتلي في لبن الجاموسه لو هوا وامي ياكلوا اللقمه حاف ..
اول وليد اعيش لهم تمانيه ماتوا منهم ومن الهوا والدى عليه كان يخاف اشتد عودي كنت
حيله في وسط عيله
جزورها من اصل البلد بفروع اصيله مضلله علي بعضها
حب وتراحم طبعها وبيضربوا بيها المثل لسنبن طويله
قالوا لبويه علمه ان كنت ناوي ترحمه من الفﻻحه العﻻم
هوا الوسيله.. لزما وحتما قبل المدرسه يقرا في الكتاب
القلم من فك غاب ولوح صفيح بدال الكتاب
سيدنا فوق المصطبه والفلكه اهيه متوضبه الزخمه ماتعرش
رحمه في يده جاهزه للحساب الكﻻم ممنوع والغلط من ايي نوع
العريف ياكل غدانه ياﻻهانه ويوم هباب
الحفظ مايه ميا ميا اللي قسم وضرب جمع واللي ما سمع سمع
جزء عمه تبارك قدسمع ربك وهب اللي فلح بقي
شيخ ويقري علي الترب وسيطه زاع في البلد اهو الولد نجمه
سطع....
واللي ابوه حلف يوديه المدرسه لعﻻ وعسا يطلع افندي
يقرا ويكتب بالاوندى شوفوا الطمع
........... (الجزء الثالث)..........
*******************
وجه اوان المدرسه وسن القبول
الزامي في طرف البلد اربع فصول
الشنطه من حتة قماش لقلم رصاص
وكراسه واحده في قلبها او كراسين للي يطول
والجﻻبيه هيا هيا والمداس حتي الطقيه
الوﻻد ويا البنات بالذات كان في وقتنا معقول
اربع سنين في الصباح تلميز نجيب لماح
واخر النهار ارمي الكتب في الدار واتقل فﻻح
قلت اهى اخر سنه ليه هنا اديني هبقي بندري
هسكن هناك وارتاح اتاري اللعب فوق الفرن
او في الجرن كوم
واللي جاي شئ جديد لواحده كوم
تسعه كيلو مش قليله نقله واحده للمدينه غريب
ووعدي اعيش لواحدي اكل شرب صحيان ونوم
والوصول قبل الجرس ﻻجل تفتيش الطابور يقفلوا
اﻻبواب واللي ينط السور يبقي يومه اغبر وشوم
بهرتني اضواء المدينه كل شئ فيها جديد اﻻوضه
موضه وسقفها ماهوش جريد وحيطانها بيضه لونها
لون برج الحمام واى ايد تلمس زرار علي الجدار
النور يقبد كوره من قزاز في السقف اهي متعلقه
في حوسن ست الحوسن ﻻبسه برنيطه حديد
واﻻرض تلقاها بﻻط وﻻ البساط ملونينه علي كل لون
الرسم والتقسبم يزبنه تستحي الرجل منه لما تدوس عليه
لو كنت حافي اشحال لو تدوس بمداس بطينه واﻻيجار لﻻوضه
بابها وشباكها بالقزاز كان جنيه ميت قرش صاغ ماهو ابتزازباﻻماره النور والميه علي
صاحب العماره ولكل اوضه احتياطي لمبه جاز ابويه جابلي الفرش كان حتة سرير
و لحاف حرير ومخده فوق المرتبه كل الجهاز
و سبت اهلي وناس طيبن عاشرتهم ماهو في البﻻد العباد
بيبقوا شبكه في بعض ده قريب وده نسيب
منا وعلينه والجيران في البيت او في الغيط غالين زيهم
اى فرح واى جرح لحد فينا يلمنا باختصار دي خصال الناس
اللي اصلي منهم وربنا يستر علينا انا واللي زيي في
المدينه ﻻحد عارف اصل حد و اﻻصول حلوه و شينه واللي زيي
فﻻحين كنا بينهم مستحين تسميها طيبه او سماحه البراءه واضحه في عنينه تهنا حبه في
الزحام حتي الكﻻم تقيل علينه
وحبه حبه بالمحبه دوبنا فيهم واستبيا .........@
,
.......(الجزء الرابع)........
********************
اول سنه ياهادي باجتهادي اخدتها
وباقي السنين كانت لعبتي وف جعبتي زيي اختها
الكل شهدولي بالشطاره وحﻻوة اللسان في بلدنا وجيرة
الجيره احلي سيره كسبتها بادب ورثته بفطرتي من
قريتي اسوء مافيه الكبير لما بتسلم عليه باديه تﻻقيك
بوستها...... كنت حافظ باحافظ واتبع كل اﻻصول يوم
الخميس اخر النهار اجي البلد قبل الوصول اداري
القميص والبنطلون البس عليهم الجﻻبيه و الطقيه كدا
التواضع عندهم ورضا الفضول . يقولوا ابوه رباه صحيح
الله يزيده مافي زيه في الوﻻد دول ولﻻ دول........
اخر سنه مابقيتش انا رتم المدينه شدنا بالطبع غير طبعنا
للفرنجهة واﻻتيكيت ان رحت جيت صعب ان ﻻقيت
ناس زينا .......
الريف وﻻده ع اكل زادوا في الغرام بخيال خصيب
يناجوا الحبيب غلبوا الحمام والحب نعمه لزيزه طعمه
فيه احلي نغمه كل ماتسري في القلب تمري الروح
تبوح يحلي الكﻻم....لما اخدني همس في ودني اﻻهي
زادني بحس شاعر بيدوب مشاعر عشق وهيام............
من هنا بدت البدايه من البدايه اما النهايه الله اعلم
بالختام .........الله اعلم بالختام.............@
(تمت بحمد الله اﻻجزاء المتاحه)
************************
خالص تحياتي جلال شعلان....@
(كتبت فى 1964)
************
ليست هناك تعليقات:
إرسال تعليق