❀❀البت لسة صغيرا
والزواج باطل
والمهر ميكفيش
دا حتى العريس عاطل!!!!
يا فاتحين بالكدب المنضرا
للأكل للشرب للمنظرا
للبيع ....في البيضا والسمرة
البت .... لسه صغيرة
والعود ....أخضر
والطرح مش.... ليكم
لسه فاكتها ...في إكمامها
لسه باقي... كتير قدامها
ياللي قتلتوا فرحتها
في عز قومتها
وبعتوها لعريس... متعرفوش
متحبووش.....
ولا هو... حاببها
يا حزنها.....و يا ندمها
على صباها....وشبابها
إللي إدبح ....مابين إيديها
قدام عينكم ...وقدامها
فين نخوتكم فين
فين عقلكم ...فين محبتها ؟؟
ياللي بعتوها في غمضة عين
وفي ذكرى موتها
رنِت الكاسات
على صبية راحت بحسرتها
وكمان إحتفلتوا بالحرام
وبالخمرة
ما أنتوا الحلال متعرفهوش
يا كدابين.. يا سماسره
هان عليكم ...لمؤاخذة
برضة ......الكحيلة
أم العيون سمرة
تدوها للغول.... أبو عين حمره
برضة دي عمله
المسألة مش قوه
منين شرعكم.وكتابكم إيه
مين حللكم..
... إللي إتفقتوا عليها
مين إللي..... أفتى
ومين إللي..... إبتدا
مين فيكم القاضي
........ومين الفتوة
النُُنه دي مين أبوها
مين فيكم أقرب ناسها
فين أهلها إللي بيحبوها
مسافرين ولا في تربة
يااا. مأذون الندامة
بتكتب أية ؟؟؟
فين شهودك.... العدول
والمهر إيه
فين الإيجاب.... فين القبول
فين فرحة حبايبها
بزهرة بشبابها
وفستانها وزينتها
فين الفرح....؟؟؟
فين دق الطبول
يا مأذون الندامة
هو دا......معقول
هو عشان دفترك....
ما هو تحت ....باطك
فتحت..... باعك
و قلت هيا... خلاص مَضت
والسكوت دليل القبول
هو دا مقبول؟
والعريس من فرحته
بصبيه جات في سكته
لبس بدلتة....يا.... لبخته
وراح.... علطول
سِكر .... خالص.. خالص
وإنتشى
وفي نوبة فرفشه
مشى.... مسطول
.....تسلموا
إسماعيل هريدي 2018/01/30
ليست هناك تعليقات:
إرسال تعليق