(حبيت ملاك) ... بقلم الشاعر / حربي علي

أغنية

(حبيت ملاك)

حبيت ملاك ف عنيا

بعمر أيامي الجايه

بعد مالفيت الدنيا

أبصبص لعيون تانية

جات عيونه في ثانية

زادت فيا الحنية

حبيبي حلو بشكل

شفايف عسل من نحل

زوق وطيب خالص

ملاك بالحب وحارس

قلب . يفض مجالس

لو ضم الحضن إيديا

حبيت ملاك ف عنيا

روحي وخدها خلاص

علمني أبكي بإحساس

ملكني . وبفكر فيه

بشتاق لشوق يرضيه

وآجي أبوس عنية

إن شاور بس عليا

حبيت ملاك ف عنيا

بعمر أيامي الجايه

تأليف

حربي علي

" يالى أنت بعيد .. " بقلم / حسن عصام الدين طلبة

أغنية .. " يالى أنت بعيد .. "

هى :

يالى أنت بعيد ، ومن قلبى قريب .. قولى امتى حشوفك ، وتشوفنى عنيك ..

دنا عايشة معاك ، أسيرة أنا فى هواك .. نهارى نهارك ، ودموعى فى عنيك ..

هو :

يالى أنت بعيدة ، ومن قلبى قريبة .. دى صورتك فى قلبى ، وقلبى معاكِ ..

دنا ليلى طال قولى امتى الوصال .. ده حبك فى قلبى ، ودموعى فى عنيكِ ..

هى :

تعالى تعالى .. يالى انت معايا .. وكفاية عنى بعادك ، دنا دايبة فى هواك ..

ده حبك ده حب ايه ، ومين يقدر عليه ... يا سامع ندايا وروحى فى ايديك

هو :

ده طيفك معايا ، بينور سمايا .. يالى انت فى بالى ، وبحن إليك ..

قولى انا أعمل ايه ، فى الغربة انا اعمل ايه ... ادعى معايا زى ما بدعى إليك

معا :

يا زمانا ارضى عنا ، وقرب ما بنا .. يرضيك فراقنا ، وبعدين معاك ..

والله كفاية غربة ، يا سامع قلوبنا .. ده الحب ده جنة ، والجنة فى رضاك ..

يا زمن الأمانى ، يا زمانا يا غالى .. غنى معانا دا غطانا سماك ..

حسن عصام الدين طلبة

(آسف نسيت) .... بقلم الشاعر / حربي علي

أغنية

(آسف نسيت)

آسف . نسيت معايا ناس

مراتي (أم العيال النااس)

كنت مسافر جوه الخيال

غبت (لحظة) عن الجمال

وجيت في مراكب الإحساس

آسف . نسيت معايا ناس

( أصيلة ) من يوم دقاتي

يافرشتي و ( نبض ) لذاتي

(زهرة أشراف مصر) حياتي

الشريفة . قمري الوناس

آسف . نسيت معايا ناس

عاشت معايا (حلو المر)

كانت ( دوايا ) بليل الصبر

جواها ( شربت ) أجمل عمر

(ست الكل) ف العين والراس

آسف . نسيت معايا ناس

طيبة هيه (روح عشرية)

بتخاف من نفسي . عليا

(أهل وحبان) وسكن . ليا

(بنت الرسول) رمز الإخلاص

آسف . نسيت معايا ناس

مراتي (أم العيال النااس)

كلمات

خاصة

ب (أم علي)

تأليف :

حربي علي

شاعرالسويس

ذنب قلبي .... بقلم الشاعر / طارق عطية

ذنب قلبي

أنت إيه ..........قلبك ده إيه

يأسى ويجرح.... في البشر

طب قوللي كان بيحب ليه

ولا معندكش الخبر.

قلب مش ده اللي في خيالي

همه كان........... بس انشغالي

رد جاوب............ عن سؤالي

بدل ما تعتب ع. النظر.

قلب عايش مش عشاني

خانني باعنني حب تاني

مش حقول... ظالم أناني

مش حقول حكم القدر.

قلب باع ....عشرة سنين

ناسي من.. فكره الحنين

ذنب قلبي يعيش حزين

ليله كان من غير قمر.

كأس ..وداير ع. القلوب

مين يحب ومين يتوب

هما قلبين. دول يادوب

إللي واخدين ع. السهر.

بقلمي...طارق عطية

......شعر غنائي......

(السويس بلدالغريب) .... بقلم الشاعر / حربي علي

أغنية

(السويس بلدالغريب)

السويس . بلد الغريب

والحب اللي فيه نصيب

مصانع تكرير بترول

ومواني . زي ماتقول

بحرأحمر/عرض وطول

وصياد في الصيدرهيب

ناس ف الطيبة جناين

إنزل . شوف وعاين

في الأربعين ع الهويس

بالنمسا أو شارع شميس

دا الورد مزوق السويس

في هدوء وسلام عجيب

السويس . بلد الغريب

حضن . سينا من بعيد

والإسماعيلية وبورسعيد

تاريخ . حلو في عنيا

يتغنى . ع السمسمية

والله . ندرن عليا

لأزرعها بقلب الحبيب

السويس . بلد الغريب

والحب اللي فيه نصيب

(سويس)

حربي علي

شاعرالسويس

إزاي ... بقلم الشاعر / طارق عطية

إزاي

إزاي

أمشي في طريق وإنا

قلبي عارف اخرته

إزاي

قلبك يتوه عن قلبي

ينساه في سكته

إزاي .....وأنا قلبي ليها

بص في عيني تلاقيها

سكة ....وقلبك ماشيها

ونهايتك دمعته.

إزاي أتوه عن قلب

دمي بيجري فيه

إزاي وحبك والحنان

ليه تضيعيه

إزاي ....ويهون علينا

الحزن اللي ف عنينا

فاكر ........لما ابتدينا

دي بداية قصته.

إزاي نصيبي يكون كتب

بعدك نهاية

إزاي وحبك.. عشت فيه

أجمل حكاية.

إزاي .........وقلوب تموت

أنا مش حرضى السكوت

ولا فيه ......أحزان تفوت

ولا تهون عشرته.

بقلمي...طارق عطية

.....شعر غنائي......

(خسارة) ... بقلم الشاعر / لحربي علي

أغنية

(خسارة)

خسارة كنت فاكرك رزين

وصاين . تقاليدالمسلمين

شفت قلبك ساكن أوروبا

وعالي جدا ف المحبة

ياخسارة هختارلي غربة

غربة . إحترام المحبين

خسارة كنت فاكرك رزين

كنت . عاوزك تبني بيت

قصري أنا اللي هويت

لقيت بالإستخارة أماصليت

حبيت خيال وهم وحزين

خسارة كنت فاكرك رزين

هوايا / شرقي غير هواك

تقاليد صعيدي تعب معاك

ياخسارة مكسبتش رضاك

ولا كسبت إنت فيا الحنين

خسارة كنت فاكرك رزين

وصاين . تقاليدالمسلمين

(خسارة)

لحربي علي

شاعرالسويس

صدقيني .... بقلم الشاعر / طارق عطية

صدقيني

صدقيني لما أقول.. إنك حياتي

صدقيني أنتي ماضيا وذكرياتي

صدقي قلبي ...اوعديني

إنك أنتي........ تصدقيني

مستحيل.... يفضل أنيني

جربي في الشوق حنيني.

صدقيني لو وصفت.... الحب فيكي

صدقيني في الحنان وف نور عنيكي

أنتي حلم في قلبي غالي

بحلمه ..........طول الليالي

نجمة صافية.. وبرج عالي

سامعة صوتك... بيناديني.

صدقيني إن كان في قلبك نبض صافي

صدقيني لقيت... في قلبك حضن دافي

أنتي روحه وعايشه فيه

شجرة ........بتضلل عليه

آسية لو يوم...... تحرميه

ومن حنانك.... تحرميني.

بقلمي...طارق عطية

......شعر غنائي.......

(الضحكاية) .... بقلم الشاعر / حربي علي

أغنية

(الضحكاية)

رمتلي الضحكة وشدتني

كنت مسافر وجابتني

ضحكتها الحلوة عجبتني

وإدتني فكرة غنواية

علمتني الحب وبتعلم

من نظرة عين بتتكلم

عدتني على أول سلم

برج الشوق. اللي معايا

ضحكت بسنانها اللولي

ليالي منسية وجولي

قولي ياحلوة متقولي

من إمتى إنت ف دنيايا؟

ردت / قالت ياواحشني

مهو كل يوم بتوحشني

أهل هلالي ولا تشوفني

غير في ضي القمراية

شفتك حاضر في الماضي

مستقبل نادر مش عادي

يقولي يافرحي / يامرادي

النهاردة حلمك له نهاية

يا أبو الضحكة تآمني

ياغزال شارد طمني

بين حشايا وفي النني

عايزك على طول جوايا

عايزك على طول جوايا

كلمات

حربي علي

شاعرالسويس

اشتريني .... بقلم الشاعر / طارق عطية

اشتريني

اشتريني

ليه تبيع .......حبي وحنيني

اشتريني

قلبي شاب من طول أنيني.

اشتريني

عمري ما اتخيلت لحظة تخون هوايا

اشتريني

قلبي حبك قبل ما أعرف إيه الحكاية

اشتريني....ومش حتندم

عمري كله أنا عشته بحلم

أسمعك .....وأنت تناديني

اشتريني

اشتريني .....ولا تبيعيني

أوعي مرة أنت تسيبيني

جوه حضنك .....رجعيني

اشتريني.

أشتري الذكرى اللي بيننا

دالزمان ..مخلوق عشاننا

حضن قلبك ...أحلى جنة

احضنيني

اشتريني ...وصدقيني

ليه بعندك... تحرميني

لو فدا الأحلام سنيني

اشتريني.

بقلمي...طارق عطية

(إحساس ميت) .... بقلم الشاعر / حربي علي

أغنية

(إحساس ميت)

إحساس ميت ناداني

من رمشه الأسمراني

حبيت حجر صوان

مشفتش فيه الحنان

إديتوا أنا الأمان

وإداني سنين تعاني

حبيت قلبه الحجر

واللي جوايا إنكسر

فرحة شوق بموت

موت عالي السكوت

ماسمعت منه صوت

يصرخ حتى بكياني

إحساس ميت ناداني

حبيب الروح خلاص

ضاع منه الحماس

أتاري ماحس بيا

عذابي بالدنيا ديا

نفسي أموت حنية

وأصدق كلامه تاني

إحساس ميت ناداني

رووح منك لنفسك

متلاقي حد حاسك

غير قلب الضنى

وإحساس حب الأنا

والذنب ذنب أنا

عشان حبيت أناني

إحساس ميت ناداني

من رمشه الأسمراني

كلمات

حربي علي

شاعرالسويس

(نهاية حبي) . بقلم الشاعر / حربي علي

أغنية

(نهاية حبي)

عرفت نهاية حبي ليكي

لما لقيتك . مابتشتاقي

قلت حرام الذكرى فيكي

وكل الحرام. في التلاقي

ولقيت منك صد كفاية

زود بكايا وكتب النهاية

بعتي الدم جوه الوريد

خليتي

القلب الوحيد / شريد

بعتي كله ماخليتي باقي

عرفت نهاية حبى ليكي

لما لقيتك . مابتشتاقي

حبيتك

وإديتك . حتى نفسي

ضيعتي

عمري في ضل يآسي

هجرتي

قلب . أغلى من الدهب

رميتي حب بدمي إنكتب

رميتي

نهر . فياض ف السواقي

عرفت نهاية حبي ليكي

لما لقيتك . مابتشتاقي

قطعت

مشاعر . كل العشاق

رميت

حنين . كان في إشتياق

وبقيت

خالي من هم الأماني

هديت أمال كانت مباني

هديت

بيوت الشعر . في أوراقي

عرفت نهاية حبي ليكي

لما لقيتك . مابتشتاقي

قلت حرام الذكرى فيكي

وكل الحرام. في التلاقي

كلمات

حربي علي

شاعرالسويس

(أنا بخير) ... بقلم الشاعر / حربي علي

أغنية

(أنا بخير)

أنا بخير طول ماإنت بخير

عذاب الغير دا أهون بكتير

أهلا بيك سلامات يابطل

الحلوة عنيك والشفة عسل

ياملك الحب ومالكني غزل

كسبت الحرب وقلب كبير

أنا بخير طول ماإنت بخير

سؤالك عني جددلي أمل

خلاص طمني والله وصل

زرع القلب أشواق وقبل

ورسايل حب بجناح الطير

أنا بخير طول ماإنت بخير

أقابلك بكره بالمريخ وزحل

بالجنة الخضرة يارمش قتل

يابديل للزهرة وملكش بدل

دا إحنا لبعض والقلب آسير

أنا بخير طول ماإنت بخير

عذاب- الغير دا أهون بكتير

(أنا بخير)

لحربي علي

شاعرالسويس

مسكين ياقلبي .... بقلم الشاعر / حربي علي

أغنية

(مسكين ياقلبي)

مسكين ياقلبي ياريت ماهويت

الجرح في قلبي وياما خبيت

سهرنا الليل في عتاب وعذاب

وطلع النهار وبقينا أغراب

وغصب عني على قلبي جنيت

مسكين ياقلبى ياريت ماهويت

جاني الحب بليالي الشوق

خلاني الشوق أسعد مخلوق

إداني أماني خد كل حناني

خلاني أشتاق وأعشق خلاني

والحقيقة ملقيت غيرإني آسيت

مسكين ياقلبي ياريت ماهويت

غصب عني ياقلبى عذابك

الحب صياد وبشباكه إصطادك

ياما إترجيت الحب يسيبني

لقيت الشوق هوه اللي جايبني

عداني بحور وكتير لفيت

مسكين ياقلبي ياريت ماهويت

ضاع اللي ضاع من غير وداع

ومشيت ياقلبي في دنيا الضياع

شايل جراحك وجرح قلوب

تشكى لزمانك من المكتوب

تقول للحب أنا ليه حبيت؟

مسكين ياقلبي ياريت ماهويت

(مسكين ياقلبي)

كتبتها وأنا :

عندي 16 سنة

حربي علي

شاعرالسويس

{{ بحب مصر }} بقلم الشاعر / حربى علي

أغنية

(بحب مصر)

بحب مصر ومصرفي كياني

بلدي مصر حبي الأولاني

عشت فيها شربت ___ آها

سافرت بيها _ رنت خطاها

أم الدنيا ___ وماليها تاني

بحب مصر ومصر في كياني

بحبك ومين مايحبش مصر؟

غرام قلبك عاصرني عصر

زرع أرضك __ بنالي قصر

صونت عرضك جابلي نصر

قلب كمل __ جمال الروح

حبيبه تزعل تطبب جروح

وأم بتضم _ إيدها الأماني

بحب مصر ومصر في كياني

بعدت عنك __ غصب عني

دا القلب منك_ ياحتة مني

شوقي ليكي _ نيل واصلني

جايب أمل _ بحاجات تغني

آثار صنعت م الخيرحضارة

آمال بناهاا _ مصري بمهارة

وأهرام وجندي مات عشاني

بحب مصر ومصر في كياني

فاضل في قلبي _دقة ليكي

ودقات لشعب __ بيشتريكي

لحضن دافي _ ينده عليكي

خلتني . دايب مشتهيكي

عاشق حزين _ بس شايفك

عروسة حلوة القلب عارفك

من يوم ميلاده يبعت_تهاني

بحب مصر ومصر في كياني

بلدي مصر _ حبي الأولاني

(مصر)

حربى علي

شاعرالسويس

{{ كنت فاكرك }} بقلم الشاعر / حربي علي

أغنية

(كنت فاكرك)

كنت فاكرك ملاك

تحب اللى بيهواك

شفتك مرار بضيقة

عذاب بمية طريقة

أمل ضل الحقيقة

كتب نهاية لؤاك

كنت بحلم تجيني

تنور نن عيني

شفت الحلو – مر

ملهوش أى عذر

زرعت ف الأرض بذر

طرح شك بهلاك

كنت فاكرك ملاك

نسيت حبي وشبابي؟

فيك و انقلاابى ؟

عملت ثورة تزينك

صرخ صوتي لعينك

قلت أبدا ماخونك

ليه خنت برضاك؟

كنت فاكرك ملاك

كان مالي هو مالك

وحالي لك بحالك

سجلت حضورك غياب

أبص – ألقاك سراب

حتى شبابي شاب

لوعاوزه؟ روح هناك

كنت فاكرك ملاك

تحب اللى بيهواك

كلمات

حربي علي

شاعرالسويس