( تقلبات شباب )
احساس غريب ملازمني
ومحدش حاسس بيا
عايش في الدنيا لوحدي
صاحب وغريب بقي ضدي
ولا حد بياخد بيدي
ولا حد بيسأل فيا
ملزماني الوحده يوماتي
ومحدش سامع اهاتي
ده انا حتي كرهت حياتي
م العيشه بقت مش هيا
عايشين بقي مش عايشين
في الصبر بقالنا سنين
حياتنا كما المساجين
والسجن يا دوبك جره
استني واقول تتعدل
وبكره الحال يتبدل
الاقي الحال يتقندل
واتمني الموت ميت مره
.....
الموت علي ايه يا حزين
وحياتك بقت شهوات
معملتش ليوم الدين
ضيعت حتي الصلوات
والوحدة اللي ملزماك
والضلمه اللي محوطاك
كلها دي ذنوب جواك
اكسرها بتوبه لربك
وصلي وصوم وادعيله
يمكن يغفرلك ذنبك
ويملئ بالنور قلبك
قوله يا رب اغفر لي
عبدك ذليل بيناديك
وفي الوقت الشده احتاجلك
وراجع عشان يرضيك
ارجع دي الفرصه اهي جات
وانسي بقي اللي فات
واسجد وبذنبك بوح
وقوله يا رب اغفر لي
واياك تنسي أن ربك
بابه ديما مفتوح
بابه ديما مفتوح
م/محمد عيد
ليست هناك تعليقات:
إرسال تعليق