حزين
عبدالمنعم عدلى،،مصر
من صغر سنى
والحزن مصاحبنى
شايل على كتفى
هم السنين
والألم الحزين
وكبرت حبة حبة
والحزن يكبر حبة
وكأن مكتوب عليا
العمر الحزين
إبعد بعيد شوية
خلينى أسمع كلمة حلوة
أو ضحكة ولاحتى نظرة
وبعدين تعال
وعيد أحزانك معايا
مولود وعايش وحيد
فى دنيا حزنها
مكتوب على الجبين
ياحزن ياحزين
سقتنى العذاب سنين
عقدت وشمك
على خدود وردية
وشعر الرأس شاب
وماشفت لحظة هنية
خليك بعيد شوية
د العمر عدى معاك
ولاذقت طعم الحنية
وإبكى ياقلبى
على الحنية
وقول لى راحت فين هيه
هات ال عندك يازمن
وإبعد شوية
بقلمى عبدالمنعم عدلى
ليست هناك تعليقات:
إرسال تعليق