♥ ليلة حب ♥
كل ليلة
نلتقي كالعادة
ياسكر زيادة
هي......
كيفك حبيبي.؟
كيفي إني بحبك
أخبارك عيوني؟
عيوني مشتاقة
والسلام أه م السلام
والكلام أحلي كلام
مين يزود .مين يقول
ويبدأ الحب بجنون
القلوب تبدأ تدق
ويبدأ الوهج يزيد
ويبدأ الدم يجري
في الوريد.
ومش جديد .
والخجل يظهر
ويبان عالخدود
تبدأ العين تغازل
عين حبيبي.
نفسي أحضنها بعنيا
وأطفي لهيبي.
لماهي تتكلم
أنا أسمع باشتياق
لما تحكي
أحس إني
لسه راجع
من فراق
كأني أول مرة بسمع
صوتها من سنين
آااااه م الحنين
لما تحكيلي بحبك
ينطلق قلبي يقول
إنتي كل حاجة ليا.
إنتي قلبي إنتي عمري
انتي روحي
إنتي ضلة في
صيف حياتي
انتي ضحكة
مسحت أهاتي
وانتي وردة
لما أتعب من حياتي
أجري عالبستان
أشم منها أحلي عبير
يبدأ الوقت يمر
في ثواني
زي ميكون بيعاندنا
والزمن من غيرها
بيمر ف سنين.
هي تقول ..
مش عايزة أسيبك
وأنا متلهف عليها
تقول خليني أحبك
وأنا مسحور من عنيها
ونشبك إيدينا
والوداع
أمنياتنا لبعض .
تبقي أحلامنا سعيدة
ننام ونحلم ببعض
تاني
ونكمل الليلة
السعيدة
***************
أنور محجوب
ليست هناك تعليقات:
إرسال تعليق