يا دمع حاسب ع الخدود
وكفايه جرح
يا دمع بكفايه العيون
دبلت ودابت
والكلمه فى القلب الحنون
عجزت وشابت
والضحكه الحلوه ع الشفايف
فى الفراق ضاعت وغابت
وبقيت بحس بأني خايف
الدموع تنزل فى قلبي
وآه لما القلب يبكي
تبقى خيبه القلب صابت
يا عيون اتحكمي
فى الدمع حبه
يا دموع تكفي ارحمي
الخدود م الحزن شاربه
اوعي تتعدي الحدود
وتنزلي على الشفايف
سيبي بسمه اداري بيها
كتير أمال فى القلب
خابت
الشاعر بلبل عثمان
ليست هناك تعليقات:
إرسال تعليق