{{ صور باهتة }} .... بقلم الشاعر / أحمد إبراهيم

صور باهتة

ـــــــــــ

ليه الصورة غير الصورة

والوشوش بألف صورة

الحقيقة ليه تاهت

مراية العين مكسورة

ليه شايفين الحق باطل

والباطل متصدر الصورة

ليه الزمن موش الزمن

والوش لابس ألف قناع

والآصيل نزل بقى فى القاع

صاحب القناع ليه

فى كل مكان ألف صورة

ياترى العيب فينا

ولا فى الصورة

الوانها باهتة مكسورة

ليه أنا موش أنا

عاوزنى أغير الصورة

والبس إزاى قناع

بكرة الزمن يسقط الالوان

ساعتها تبان باهتة الصورة

ياترى مين يرسملى الحقيقة

ولو مرة فى الصورة

أصل أحترت فى الوصف

وإزاى نعدل الصورة

والعدل فى أخر الصف

مخدش ليه ولو صورة

ـــــــــــــــــــــم 2018ــــــــ

أحمد إبراهيم

مجلة نبض القلوب

13/1/2018