متغربين
عبدالمنعم عدلى،،مصر
يامسافر لبلاد الغربة
وسايب قلبك
هنا بيستناك
فاكر إنك عايش
د.نعيم الغربة تربة
بس إنت مش حاسس
ترجع وتقول
فين البسمة
كانت فى إيدى
ولسة فاكرها رسمة
وعلى حدود الموت
سكرات وانقطعت البسمة
كل يوم ٱهات
بين الألم والسخرة
وفى كل ساعة
ألف سكرة وسكرة
سلطان وعايش
بين الأهل والصحبة
وحيد بيموت
فى بلاد الغربة
بين ألام الفرقة
وصدمات التربة
تائه وبيدور
على مرسى
د.الغربة ماكانت فرصة
د.الغربة كانت نكسة
غرك الأصحاب
وماعملت لك فرصة
كأس وداير
وللعذاب ألوان وستاير
مكتوب علينا
نعيش فى الدواير
رحايا الحجر فيها داير
ٱه من الغربة
محكوم علينا فيها بالحبسة
نتعب ونشقى
وماعاد لينا بسمة
من الأهل والصحبة
بنشوفها رسمة
على وجوة قاسية
ياعينى على الغربة
بقلمى عبدالمنعم عدلى
ليست هناك تعليقات:
إرسال تعليق