قصيده باللغه العاميه
(السهره )
الليل مهما طال لا بد ليه آخر
والسهره بتبتدي بضحك وكلام ساخر
شويه مصر بخير واللي حاكمها شجاع
وشويه يادي الحسره وطن بالمال اتباع
وفي الشوارع فقرأ وغلبانين بالكوم
بياكله من الزباله ويتمنو حالهم يدوم
هيعملو ايه يا ولدي م الظلم غطي علي البلاد
وصبح الفقير مظلوم
والجهل صبح حاكم والحق بقي محكوم
واللي بيدو الليله ماشي كانه ضرير
ايوه يقدر يغير لكن مفيش تغير
ارضو كده بحالكو وكفايه اللي جرالكو
من موت ومن بوظان وخراب في كل مكان
من ضرب ومن تدمير
وناس لسه بغباها شايفاه انه امير
وشويه غلو السولار ووياه البنزين
وارفعنا الدعم وقللو التموين
وانشرو في الجرايد دي خطه للتعمير
واطلع في التليفيزيون ونادو مصر بخير
ايوه مصر بخير واللي مش عاجبه قدامه التحرير ..
عوافي بقي يا ولاد
هو الكلام علي مين
علي حال البلاد
ولا حال المسلمين
اقعد تعا يا حسانين
مبقاش خلاص في فروق
سوا هنا او هنا
الوطن مسروق
وكتره الشقوق
بس المشكله يا ولدي
ان احنا فالحين بينا
بناكل في بعضينا
وكأننا اسود
بس الاسود اختفت
واللي مكششر عن انيابه
لما الاقصي نداه بسرعه قفل بابه
وسابها لليهود
لو هما فالحين فيهم ذي م فالحين فينا
كت اتغيرت الأحوال
واتبدلت الأقوال
وتمشي في اي مكان
بالعرب تتفاخر
ده الليل مهما طال لابد ليه آخر
يا بلادي حصره عليكي يا ام العيون غزلان
شجره سياستنا طرحت عويل وجبان
مين اللي فينا باع مين اللي فينا خان
ازاي بروحي افديكي ومنيش حاسس بأمان
اموت فدي عنيكي وولدي من بعدي يعيش مكسور
وذليل
متغرب في بلاد الله وحلمه في الزحمه تاه
وسكنه ظلام الليل
منيش بحبك يا بلد لا لوني انا اسمر ولا
شرياني النيل
إزاي انا احبك وسايبه سياستنا فينا بتتاجر
ده الليل مهما طال لابد ليه آخر
م/محمد عيد
ليست هناك تعليقات:
إرسال تعليق