أخاف م الحضن ليدفي
ويرجع بعده يكويني
أنا المكتوب على كفى
دموع العين تكفيني
كفاية دموع خلاص جفي
يا شوق الحضن دفيني
لا أنا عارف ولا
شايف ولا سامع
بقيت في الدنيا شئ
مايع
وكل ما أحس بالفرحة
دموع العين تناديني
أنا المرهون باحزاني
لاحبابي
أنا اللي السطر
بيصرخ على كتابى
أنا اللي الشمس يوم
رفضت
يكون نورها على بابي
أنا مليت ومش قادر
علي سنيني
أقول الآه وأنا واقف
وبتبسم
وجوا القلب احزاني
بتكويني
سنين تايهة ومش
عارفه
ومن أحلامي ليه
خايفة
على وجوهنا عيون
زايفة
بتضحك ليه ......
وقلبي يا ناس مبكيني
أنا راحل لدنيا الهم
ومش راجع لنفس الحلم
ورافض لحظة يجري
الدم
في أحضاني وشرياني
أخاف م الحضن ليدفي
ويرجع بعده يكويني
الشاعر/ ناصر عبد
المقصود
ليست هناك تعليقات:
إرسال تعليق