( باحضن الأحلام )
______________
مين اللي قالك
إن قلبي تاب وحبك ..؟
واني محتاجلك
تاخد بإيدي
وان عيدك يبقى عيدي
وان نبضك روح وريدي
وان روحي تايهه قبلك
وإن قلبي تاب وحبك..؟
لما تيجي في يوم وعيدي
هاحضنك والبس جديدي
واطرحك من جرح قلبك
واجمعك في عيوني فرحك
والضم العمرين لعمرك
وانسى روحي ياروحي جنبك
وإن قلبي تاب وحبك ..؟
أنا ثورة قايده بالجنون
لما تيجي ف يوم حنون
وتلاقيني في وسط نوه
حي بوجودك ياحوا
باحضن الأحلام بقوه
جوا قلبي يدق قلبك
وإن قلبي تاب وحبك
وإن قلبي تاب وحبك
________________
بقلمي .........
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق