عجبى
عبدالمنعم عدلى--مصر
عجبى على دنيا
الناس فيها الوان
فى الوش مراية
ومن وراء الظهر
سلسال كلام
وخاين الكلام
ملهوش امان
وعجبى على دنيا
ماشية مع ناس شمال
الفلوس معاهم بركان
والبخل فيهم مرجان
يخدوا منك افعال
ومايدوك الا كلام
وعجبى على دنيا
الناس فيها
عايشه فى اوهام
نسيوا الاصل
ولبسوا ثوب الكمال
اصل الكمال
ثوبه غالى
ومايلبسة الا الرجال
وعجبى على دنيا
ماشية مع ناس الوان
وكانها لبست القذح
فى كل مكان لون
وكل زمان الوان
يخسارة ياايام
وعجبى على دنيا
الفقير فيها
ماشى عريان
ورائحتة تجيب سرطان
والكل يحسدة
على راحة البال
ياويلى من الايام
فى دنيا الناس
فيها الوان
تتلون كما الحرباء
بمعسول الكلام
عجبى والف عجبى
من دنيا الالوان
بقلمى عبدالمنعم عدلى
ليست هناك تعليقات:
إرسال تعليق