***** كيلو بااااااامية *****
يالا نعمل ... كيلو بامية
بس نرضى ... بالنتيجة
مش هتاخد .. منا ثانية
حتى نعرف .... الحقيقة
مين مابينا ... راح يكون
أم هاتخلف الظنون
وكل واحد جاي وحاسس
إنه فارس الميدان
رغم إيده ..... كت مابينا
بس عقله .. ف حتة تانية
من زمان ..... وهو دايس
من سنينه ...... العوبان
كان عاجنا ... وكان خابزنا
ورده كان ... شوك ف إيدنا
الإيدين متجمعين .....
والقلوب متفرقين .....
والنفوس متحفزة .....
والقلوب متوترة ......
وكله ...... نافر الوتين
يالا ...... نقلب الإيدين
فجأة ... واحد انسحب
وقال ..... لابد محكمين
حتى نمنع العتب .....
من معارضة وشكاكين
وخد ... وهات .....
ومفاوضات ........
وندوااااات .........
ومباحثات ..........
ومشاكسات .........
إتفقنا
بشروطات ..........
راح نجرب ...... ع القديم
قلبة واحدة ... ف السليم
بس مين ..... راح يقول
كلمتين ..... بالتمام " كيلو بامية "
بكل حزم ... وانسجام
حتى تبقى ... بالأصول
كل واحد ..... قال .. أنا
وإنه أولىٰ ..... مننا
رجعنا تاني ... واختلفنا
والشقاق ... دب بينا
اختلفنا .....
حتى قبل..... مانتفق
والإيدين ..... إتفرقت
بس بعد ... مشاورات .....
ومناوشات .....
ومعاتبات ......
قررنا نعمل
كيلو بامية ... من سكات
بس الغريبة ...
لما قلبنا ... الإيدين
كل إيد كت على كفها
والخيبة جت على وشها
بقلمي أحمد أبو عاصم
ليست هناك تعليقات:
إرسال تعليق