( الغلابه مطحونين )
_______________
ليه تناطح
والحكايه ف كلمتين
الحق واضح
زي طرح الطيبين
والظلم جاير
والعويل ف ركابه ساير
زي تور ف الساقيه داير
خلى لحم الناس نساير
والأطبا حيرانين
لما شافوا الجرح غاير
تاهوا عن وصف الدوا
إللي مصدوم واللي حاير
واللي قال صابه الهوى
واللي قال العيب وريده
واللي قال نقطع له إيده
فين هايهرب من وعيده .. ؟
دا الغلابه مطحونين
دا الغلابه مطحونين
_______________
بقلمي ...........
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق