العيد خلاص بكره...شعر.د.مختار
هلال
جريت بنا الأيام
والشهر عدى قوام
لسه يومين ع العيد.
وكأنه كان أحلام
على فين يا شهر
الصوم
مريت كأنك يوم
عينى بتبكى عليك
قلبى عليك مكلوم
كان لسه بدرى عليك
عمر الهنا ما يدوم
العيد خلاص بكره
رمضان بقى ذكرى
يا سلسبيل ميتك
مية سواك عكره
للفقرا رزق حلال
ان كان حبوب أو
مال
يستغنوا بيه فى
العيد
عن ذل أي سؤال
رايحين نصلى العيد
لابسين جديد ف
جديد
بنكبر الرحمن
رب الكرم والجود
يدعى الفقير للغنى
شاكرين لرب مجيد
يارب يوم العيد
خليه علينا سعيد
وتعيده بالأفراح
على أمة التوحيد
ليست هناك تعليقات:
إرسال تعليق