الخميس، 22 يونيو 2017

((( رمضان بيرحل ))) ...... بقلم الشاعر المبدع / محمود صلاح


((( رمضان بيرحل )))
هاود هاود آخر آخر
ليه مستعجل ماشى مبكر
كده وياك تملى نقصر
عارف أن غيرى كان أشطر
لكن أنا عملت على أد ما أقدر
أيامك فل وشهد وسكر
أنا زعلان أنا متأثر
أيام خير بسرعه بتتبخر
حاسس بقيمتك ومش بتمنظر
علشان أنسان عاقل وبفكر
عايزك تشهد ليا مش أكتر
يابخت اللى كان
عارف فضله وعابد ربه
وحاسب قدره ومش بيقصر
وبيدعى ربه يعف ويغفر
أما أخينا شطآنه صور له
أنه هيتعب فيه ويتأثر
قلل جهده وضعف الهمه
وشايف الشهرماشى بيتمختر
مع أنه كان قاعد ومرحرح
أونايم تعبان وكمان بيشخر
زعلان منه ودايما متكدر
ولما يهل يقول كان غيرك أرحم
جاهل مابيفهم ربنا يهديك
ومع السلامه يارمضان يامعطر

بقلمى/محمودصلاح السيد21/6/2017



ليست هناك تعليقات:

إرسال تعليق

{{ سجال بعنوان الهجر }} ...بين الشاعر / إيهاب طه و الشاعرة / سماح نبيل

  {{ سجال  بعنوان الهجر }}  ...بين الشاعر /  إيهاب طه  و الشاعرة /  سماح نبيل   و الذي أقيم بمجلة نبض القلوب الالكترونية مساء يو...