سر السعادة فى الوجــــــود
أسمع يـــــــا حـلوة ضحكتك
أنا حبي ليكي مالوش حدود
وأتمنى أرســــــــــم فرحتك
وإن خيرونى ما بين حياتي
هاختار يـــا عمــري بسمتك
من كام سنة ما ضحكت أنا
ولا دقت مرة في يـــوم هنا
غير لما شــــــوفتك مغـرمة
وسكنت وحـــــــــــدي جنتك
قومي اضحكي قلبي انشرح
حسيت معاكي بالفـــــــــرح
نـزعل يا عمــري هنصطلح
مقدرش يـــــوم على دمعتك
أوعاكي أسمع يوم بعــــــــاد
د الحب جـــــــــوا القلب زاد
وياكي حاسس بالفــــــــــؤاد
إنه بيعشق خطـــــــــــــــوتك
سر السعـــــــــــــادة إنك هنا
فى القلب عايشة ومـــــؤمنة
بالحب مــــــــــــــن قلبي أنا
مقـــــــدرش أتوه عن سكتك
سر السعادة فى الوجــــــــود
أسمع يـــا حلـــــــوة ضحكتك
الشاعر / ناصر عبد المقصود
ليست هناك تعليقات:
إرسال تعليق