بحب فيكي غربتي .... بقلم /
هو انتي ليه
مهما فيا بتعملي
مهما فيا بتقتلي
اشتاقك اكون محتاجلك
وانتي تقسي وتكملي
هو انتي ليه
بتوعديني واصدقك
وبتوهميني فبعشقك
فتلزميني اخبي عيني
ودمع عيني يسبقك
على وجعي يا جرحاني
ياسكنة القلب من جوة
ومهما تكوني بيعاني
بحبك ايوه وبقوة
-
هو انتي قصداها بقى
بتتعبيني ظلم وشقى
وكل احزاني بتبقى
دمعة ف عيون متشوقة
واشوف سنيني بتتخطف
اشوف مشاعري بتتحدف
واصدق الكدب بغشاوة
ومن حقيقتي بتكسف
-
هو انتي ملكاني وكده
بحب فيكي غربتي
وانتي بقيتي متعودة
تنسي حناني ومحبتي
اضعف وضعفي يشجعك
ولا حاجة مني بتمنعك
واسد وداني ابعد وتاني
من همسة منك بسمعك
-
واحب فيكي غربتي
واخد قرار مارجعلكيش
وقبل مااخد خطوتي
ابقى مش عايز اعيش
انتي ايه اخرتها معاكي
بتخنقيني وليه بهواكي
بحن ليكي واخاف عليكي
بموت فيكي وروحي فداكي
احمد صبري
ليست هناك تعليقات:
إرسال تعليق