.........(اليأس نعمه)..........
اليأس نعمه تصدقي لو نرضي بيه
أرحم كتير من أمل صعب نﻻقيه
و مستحيل نحققه او نسرقه
العمر منا ببجري مش راح نلحقه
حتي الخيال كداب بكيفنا نصدقه
ومن حلاوة الروح يا روحي عيشنا فيه
(اليأس نعمه تصدقي لو نرضي بيه)
اسما آيات الحب قال من غير أمل
مين اللي قال يقول لنا إيه العمل
إزاي نعيش وما نﻻقيش من حبنا
غير العذاب وﻻ اكتئاب من بختنا
ياد العجب ياد المرار يا صبرنا
من غير لقا يبقي بقي بنحب ليه
(اليأس نعمه تصدقي لو نرضي بيه)
من غير طموح نعشق. نروح بنفسنا
في بحر نار نرمي قلوبنا بيدنا
ننام نقوم وضد موج الشوق نعوم
ﻻ نرسي يوم وﻻ نلقي حد عليه نلوم
غير الهموم مش طيقه وﻻ حتي الهدوم
الحب يرخص ما يلاقيش من يشتريه
(اليأس نعمه تصدقي لو نرضي بيه)
دليني انتي عن طريق تاني للنجاة
من غير ندم و ﻻ الم أو ﻻء واه
طريق رومانسي منتهاه أنساكي تنسي
إن بينا احلي عاطفة كنتي انسي
و كنت ليكي المني صبحت منسي
دا الحب ماشف منا يوم يحكي عليه
(اليأس نعمه تصدقي لو نرضي بيه)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛##@
ليست هناك تعليقات:
إرسال تعليق