زجل
(الدخان)
غزال وشرب الدخان
مش خايف م السرطان
صدره ياناس مليان
نيكوتين ويا القطران
قلت له بلاها سجاير
راحت أحلى ضفاير
خسيت ياحلو كتير
م الكحه وم التشخير
تقع من (أوطى) سرير
وماتجريش ربع الفدان
غزال وشرب الدخان
قالي عاوزنى (أبطل)
تعالى وديني المعمل
(أحلل) ضغط وسكر
سندني يمكن أقدر
وإديني البوسة وكتر
وهات لي من الرمان
غزال وشرب الدخان
قلت له أبدا ماأبوسك
و(بقك) عيان بفلوسك
خايف عليك ياحبيبي
(أعالجك) وإنت طبيبي
أصرف عليك من جيبي
وأبيع حتى (الدكان)
غزال وشرب الدخان
جات (التحاليل) سلبية
وخايف المرة الجايه
الحلو أبوخد وشامة
مايسمع حتى (ملامة)
يهجرني بألف سلامة
ويشرب (شيشة) كمان
غزال وشرب الدخان
مش خايف م السرطان
هههههههه
زجل
ونقد ساخر
لحربي علي
شاعرالسويس
ليست هناك تعليقات:
إرسال تعليق