قصيدة......./ حبيت الوداع
بقلم.../ عاطف بيومى محمد
لا معاك مرتاح ولا بعيد مرتاح
كله حبيبي جراح ف جراااااح
حبيت الوداااع لأجل الأوجاع
تبعد عني وتهديني اااالسماح
لا شوفت سعادة ولا فرح
كله الم حزن و ندم
والقلب من العذاب ارتاح
لما بعدت أنا عنك
ياريت تبعد بلاش تقرب
انت ف حياتي أكبر عقاب
أنا كرهتك بقد ما عشقتك
بنسمة هوا وشدة الرياح
وكرهت غيرتك زيادة
و اكتر كلامك كان ماسخ
فى قلبي ضربات قاضية
و انت لا بتعذر ولا بتسامح
ومهما أنا أشرحلك بردو
معاك انت مفيش فايدة
هتفهم ايه وهتصدق مين
غير اللى انت مقتنع بيه
الصح غلط وغلط صح
طالما انت مؤمن فيه
الغيره أصلها هى الحب
وانت محبتنيش
غيرتك انت كلها حقد
ما بتتحكيش
زمان مكنتش شايف عيوبك
ولا أخطاء
ولما ظهر ونيس غيرك
عرفت الغباء
ازاى انا كنت مستحمل
نفسي معاك
وكنت بقول معاك مكمل
وهبقي دواك
والدنيا دى بكرا هتتعدل
وهنول رضاك
فطلعت حمار
داير ف ساقيه حكمها جبار
كل حياته سياط ونار
بيكره حب وعشق الأحرار
ومن انهارده أنا زى العصفور
حر طليق زى ما اختار
وعيش انت بقي ف الدمار
وده إنذار
ليست هناك تعليقات:
إرسال تعليق