نجوم النهار
احمد صبري
-
الكلام جوايا ساكت
والحنين ملاني مرار
حبيبتي راحت بس سابت
قلبي بيموت انتظار
العشم مكانش ف محله
والأمان هرب من أهله
اللي فات زي اللي قابله
غدارة يانجوم النهار
-
بنحلم وغيرنا يحقق
أحلامنا بتبكي عنينا
ونندم وقت مانتفرق
ووجعنا بيكسر فينا
السكة صعبة وبتعذب
وقلوب كتيرة بتتقلب
ليه الحقيقة بتتكدب
وليه بتغرق امانينا
نقوم ازاي ونمشيها
وكل موجة بنعديها
بتيجي الأقوى بعديها
والرحمة تحرم علينا
-
قرب العيد البعيد
وراح لصاحب نصيبه
لما نعشق من جديد
راح أقول للقلب عيبه
انه بيصدق أوهام
وانه بيسلم لكلام
انه بيحس بغرام
هايجي يوم يسيبه
قلبي ياما بينخدع
بيعجبه دور الجدع
ومهما بيشوف البدع
ياخده الحنين ويجيبه
-
ألف مبروك الفرح
ومش مهم الاعتذار
ذاد الحنين لما طرح
والقسمة ضربتني نار
الذكرى بتيجي تفكرني
اللي جرح واللي هجرني
وبدعي ياربي تقدرني
ع الغدر وع الأشرار
ليست هناك تعليقات:
إرسال تعليق