حرفى
هرتب
حرفى جوايا كلام موزون
وهارسم
غليى وشقايا باقى المضمون
وهشرككم
كدا معايا فى وزن التون
نشاز
الغنوة حداية وقدمها الشوم
بيخرب
زرعى وهناية وماسك شوم
بيضربنى
على قفايا وراضى ومكتوم
يا بلدى
كل الحكايا ومن غير لوم
حدود
مفتوحة ع البحرى وبنبيع توم
وارهاب
فينا مستشرى وجيب مخروم
وبنحارب
خيال حصرى يعيش ويدوم
واعلام
يشبه العبرى وماله لزوم
يضلل فينا
من بدرى بكام مرسوم
ويقول
يا شعبنا المصرى عيش المقسوم
نشف
ريقنا ولا بيجرى وغصة بتنزل البلعوم
وتحيا
مصر يا عمرى وانا عايش فيها مظلوم
مصطفى
قمر
ليست هناك تعليقات:
إرسال تعليق