عَلِّمتينى
شعر/محمود العزب
25/8/2017
علِّمتينى فى حُبِّـك حُبِّى
لحياتى ياحياتـى وقلبـى
وحَبِّبتينى فى طوب الأرض
وفَهِّمتينى إيهْ معنىَ الحُـب
وانتِ ياروحى ف قلب القلب
وبان لِك إنِّـى سريع النَّبض
وأمرتينى ومِن غير قَصـد
إنِّى أدوب فى هَواك وبجَـد
وأعشَق فيك بالطول والعرض
وصَدَّقتينـى إنِّـى باحِبِّـك
لَمَّـا سعادتـى بانِـت جَنبِك
ومِـن أشواقنا مابنِتفَـض.
ليست هناك تعليقات:
إرسال تعليق