توأم روحي وســر سعادتي
أحلى ما فيها القلب الوردي
لما بشـــــوفها بحس الدنيا
ضحكت ليا وصارت سعدي
صـورتك دايما جــوا خيالي
وحبك ســاكن بين أحضاني
لما بشوف صـورتك قدامي
أفضـل أدعي تفضلي جنبي
بفكــــــــر فيكي وأنت معايا
وأرمي همــوم الدنيا ورايا
أنت يا عمــري لقلبي مرايا
دايما صورتك جوا فى قلبي
بحبك لما بشـــــوف أحلامك
وأسمع صــوتك وقت منامك
انطقي اسمى جميل بلسانك
نفسي أعيش وياكي براحتي
توأم روحي وبلسم عمـــري
نفسي أخلى الدنيا بأمــــري
أطلب منها تنورى بصــري
وتبقى حياتى وعمرى لوحدي
توأم روحي وســر سعادتي
أحلى ما فيها القلب الوردي
الشاعر / ناصر عبد المقصود
ليست هناك تعليقات:
إرسال تعليق