مصر تنادي.
**********
فين ولادي
فين ولادي المخلصين
الطيبين المؤمنين
اللي طول الدهر يبنوا
مجد ليا وعزة ليهم
اللي علموا الدنيا
يعني إيه كلمة تاريخ
اللي فيهم الحب ليا
قبل ميكون التاريخ
اللي شيدوا الحضارة
اللي كانوا ف يوم منارة
اللي اخترعوا العلوم
اللي زرعوا الأراضي
اللي نشروا الحب
والسلام ف كل وادي
اللي قهروا الأعادي
****** ********
محتاجاهم يبنوا تاني
مجد أحلي م الأولاني
محتاجاهم يدافعوا عني
محتاجاهم يصونوا دمي
محتاجة لهمة شبابها
محتاجاه يعشق ترابها
****** *********
بحبي ليكم انا بنادي
خليكو صف واحد
واعبدوا رب واحد
دافعوا عني. يللي مني
حافظوا علي نيلي وارضي
احموا ديني صونواعرضي
وخلوا بالكم م الأعادي.
اللي متربصين بأرضي
وبيقتلوا كل يوم ولادي
بس مهما طال الليل
النصر جاي علي إيد جنودنا
والعدو هيرحل ذليل
******* ********
أنا قوية لاتضعفوني
أنا عزيزة لا تخذلوني
آخر نداء. أجمل دعاء
ربي يحفظني ويحفطكوا ليا
والنصر قادم وبشروني
والنصر قادم وفرحوني
*******************
أنور محجوب
ليست هناك تعليقات:
إرسال تعليق