زمن العجايب
زمن العجايب يازمن
عايشين كما الاغراب
عايشت فيك المحن
م الاهل والأصحاب
الغربة صعبة والتمن
القلب بيته خراب
قلبى ياعينى حزين
مقطعاه السكاكين
بغدر اعز الناس
منهم الشعر شاب
دقت الجراح بمرار
والغدر زى النار
كاسه كان حظى
وغلبت فيك ياعتاب
زمانى عشتوا جراح
كان نفسى يوم ارتاح
العمر عدى ف ليلة
مليان جراح وعذاب
دا مش عتاب يازمان
دا عتاب لنفسى كمان
أنا اللى استاهل
وهتعلم الحساب
مكتوبلي فيه
اعيش وحيد
من غير احباب
آه يازمن مغشوش
بتلون فى الوشوش
الخلق فيك تايهين
وأنت زى السراب
آه يازمن معيوب
انا عشت فيك مغلوب
ولا مرة كنت الغالب
مسواش حبة تراب
اه يا زمن العجايب
بقلم ... حسين محمد صبرى
ليست هناك تعليقات:
إرسال تعليق