***معني الصور***
============
لما شوفت صورة عنده ولقيتها بلون السواد.
قمت سألت نفسي مثلا..
يكونش تعبه طول البعاد.
حس بالفضا اللي سابه ليك بالبعد عنك.
حس بالوجع اللي سابه ليك جوا قلبك.
حس بإن حياته فاضية..
حس بعدك ضربة قاضية.
حس بالنزف اللي سايل من جواب بعد السكات.
حس بالقلب اللي نبضه من وريده و فجأة مات.
حس بالهوان لحب اتولد.. واتوأد مابين رفات.
حس بالغدر اللي فاته ليك من وهم رسمه بعمر فات.
حس بالقسمة. وبالمقسوم.
وبالمهموم من كتر الآهات.
قلت يمكن حس بيك.
حس انه غلط ف يوم ماباعك
ماشتراش دمعة عنيك.
بس تعرف.. مش راح ارجع.
أقسمت لك بهواك ماهرجع.
وبعمر تاني هعيش بودع.
هودع قلب قاسي ملوش أمان.
قلب ملوش حتي نصيب من الحنان
قلب بايع مش شاريك
قلب فرح بدموع عنيك.
هو السواد يبقي ف عنيكم معني تاني غير الندم.
ولا صوره تعدي جايز القي فيها طعم الألم.
ماتجاوبني مرة وابعد بعدها طول الزمان.
يعني ايه معني السواد مش ف العيون..
لأ ف الصور ؟
#بقلمي أريج الربيع
ليست هناك تعليقات:
إرسال تعليق