المطـــــــــــر لما بينزل
فوق دموع الموجوعين
والسما صافية بتضحك
بس إحساسي حـــزين
التناقض في المشــاعر
خلى حلم الليل يســافر
دنيا فـرحانة بعـــــذابي
مين يقـولي الذنب فين
لما ألاقي الطفـــل باكي
والوطن مهموم وشاكي
والنجـــوم بتناجي ربي
والمــــــــــلايكة مآمنين
العرب زي الديـــــــــابة
والشعــــوب هما الغلابة
شعب ميت من المجـاعة
وشعب مشتــــاق للحنين
اللى فوق مش راضي ينزل
واللى تحت ضعيف وأعزل
والنفاق جــــــــــــوانا أكبر
مات حـــــــــــــدانا الطيبين
آه يـــــــا خوفي من سكوتي
انحني من الحزن عــــــودي
العراقي والسعــــــــــــــودي
واليمن وفلســــــــــــــطين
فرقة دبت في الخـــــــلايق
خلت الصهيوني فــــــــايق
واختفت كل الحقــــــــــايق
وإحنا لسه كــــــــــــــدابين
البنات فى القــــــدس هيبة
والشباب في بلـــــدنا عيبة
وإحنا مـــا بنرحمش شيبة
سبنا رب العـــــــــــــالمين
العــــــــــــــــــــــــــــــروبة
يعني إيه كلمة عـــــــروبة؟
يعني فرقة نار وحـــــــرقة
دم سايل في الشــــــــوارع
والجميع بيقـــــــــــول آمين
يعنى بنت واقفــــــــة تهتف
والـرجـــــــــــــــال متكممين
يعنى واد بيقول يـــــــا أمي
والرصــــــاص يملا العينين
يعنى إيه كلمة عـــــــروبة ؟
وإحنا لســــــــــــــه مفككين
الشاعر / ناصر عبد المقصود
ليست هناك تعليقات:
إرسال تعليق