أنا مين
......
أنا الدم المنسكب
فى شراينك
أنا طفلك وابتسامتك
فجرك ويومك
وأمسك
أنا اللى شايل همك
من سنين
أنا عكازك وضهرك
عمرى ماأهرب منك
أنا كراسك وقلمك
شمسك وضلك
أنا الفلاح اللى زارع
قمح أرضك
مستنى فى يوم الطرح
حتى لونى يشبهلك
انا اللى لونى لون
القمح
لونى خيرك استناه
بفرح
عيونى بعد التعب
اشتاقت ليوم فرح
أنا ابنك اللى واقف
حارس حدودك
لجل خدك يطرح الورد
طرح
أنا الطبيب والمهندس
والصنايعى
أنا المحامى والجنرال
والقاضى
أنا كل دول من زرعى
أنا المدرس
اللى واقف على السبورة
يزيد ويعيد فى
الشرح
ياترى عرفت أنا مين
ولا أعيد من تانى الشرح
..........م 2017..............
أحمد ابراهيم
ليست هناك تعليقات:
إرسال تعليق