راحوا الحبايب
عبدالمنعم عدلى،،مصر
راحوا الحبايب وفتونا
ومن كأس المر سؤونا
كل يوم نروح
ونصبح عليهم
ونشم روايحهم
وننسي قساوتهم
رسمنهاهم على
جدران قلوبنا
وعشنا أحلى ليالينا
راحوا ومش رجعين
تانى لينا
خدوا قلوبنا
وعايشين على
ذكرى ليالينا
أبكى عليهم
ولا أبكى قلوب
جرحت فينا
راحت فين
الضحكة الحلوة
راحت فين
صحبة الغنوة
راحت بعيد
ومش رجعه لينا
قست علينا الدنيا
بتأخد كل حاجة حلوة
ٱه منك يادنيا
غدارة بتخدى الحلوين
وتعيشينا فى حزن سنين
ليه يادنيا ليه
تفرشي الأرض
بورد السراب ليه
ياعين جودى بدمعك
على حبيب القلب
وإشكى ونوحى
ونن العين يبيض
ويجف دم القلب
خدوا عمرى
وألف عمر على عمرى
وأشوف حبيبي
لحظه وتمر مثل السحاب
وأروى قلبى بترياق العذاب
والقلب ينبض بلا حياة
ياظالمين الناس
وقلوبكم بلا إحساس
راح الحبيب
وبكرة يروح الإحساس
أخدتم إيه
لما موتوا الإحساس
من قلوب الناس
بقلمى عبدالمنعم عدلى
ليست هناك تعليقات:
إرسال تعليق