في ميدان الليل
قام القمر يثور
لأجل الجراح والكسور
لأجل يخضر قلب بور
بار من الناس والحياة
لأجل عيل بيها تاه
وناسي أهله وصحبته
وأتساب وحيد بحسرته
وبكاه وتنهيده
فساب كل من يحلم
يمسك في يوم إيده
عشان في يوم أنساب
من دم جاري بوريده
بقا يشوف كل من يمسك
نهايته في يوم هيسيب
صنف البشر مش باقي
ومسير الحاضر بكره يغيب
فقاسي علي كل من طبطب
وداس علي كل من قرب
ورغم الظروف ديا
بنوته عايشه لعنيه وبتكمل
عشانه صابره وتتحمل
#وواهبه_حياتها_ليه
ووقت ماخرجوا من قلبه
فضلت هي ساكنه فيه
طبيعي الي يبص بعيد
مايشوفش إيه بين إيديه
كنتي فين من زمان
آه يالميدان فيكي يثور
لأجل فرحه وبسمته
#أصلك_أنتى_نور
خضر طريقه وسكته
فرحت جموع القمر
والحشد المعتصم
نور الليل بالنجوم
فرحان بالجرح المنهزم
بس لسه الجرح حالل
لو ذكري لحظه بتترسم
فيها بنوته بتبتسم
تخدع القمر والصحاب
لو نسر الثورة يختفي
هيرجع جزء من العذاب
ويلبس توب الي اتخدع
فلول الجرح هي ذكري
لازم تتقتل بالوجود
وروح جميله مكمله
أتحملت كل الحدود
#لأجل_يوم_يعود
قلب هج من الحياه
#hesham_seif
ليست هناك تعليقات:
إرسال تعليق