...............شهيد على قيد الحياة
اتخلقت الرجالة
من أجل الشهادة
وعلشان الدفاع ع الوطن
يا شوية أرانب مش كفاية
عربية مفخخة ولا حتى دانه
دا انا الصخرة اللى مهزهاش زمن
لو راجل يا خاين
أعلن وجودك
قولى انت مين
أصلك لو ليك أصول
ومين جدودك
يا سلعة رخيصة الثمن
أنا دمى غالى
اللى مطهره ربنا
خالى من كل غش
أهديه بلادى وشعبى
وكل ما فيها حسن
أنا الصاعقى والمظلى أنا الجندى
اللى ميهمنيش رصاص
صايب أو حتى طايش
أنا الشهيد لكن عايش
روحى بتمسك سلاح بتحارب
أنا من مية التضحية شارب
كل اللى خسرانه بدن
يا مصر زغردى افرحى
أنا اليوم شهيدك
هيفضل دمى يجرى ف وريدك
زفينى يا مصر
أنا العريس
لابس كفن
................ على حافظ المصرى
ليست هناك تعليقات:
إرسال تعليق