هو و هي
احمد صبري
-
هو العاقل بقى مجنون
وهي الرجولة بتتبخر
الكل بيكدب ويخون
والظالم اقوى واشطر
ولا حد بيفضل مضمون
والطيب خيبته الاكبر
يا خسارة الخير مسجون
والشر جنوده بتكتر
-
هو جماد لابس عباية
هي الخيانة في دمعها
والغدر خالها وعمها
الكدب والزور طبعها
عقرب وبيعرف حرباية
بتغير لونها وجلدها
إبليس يتعلم منها
هاحكي عنه وعنها
-
حاجة وحشة ماتتوصفش
بجحة موت مابتتكسفش
ملهاش امان ماتتعاشرش
ولسانها اطول منها
ترمي بلاها وجدتها
ولا ليها ضمير يسكتها
وماشية عوجة وسكتها
ما فيها راجل يلمها
-
هو وهي حكاية ناس
الحقد ماليهم وعاميهم
إنعدموا رحمة وإحساس
والسرقة بتحني إيديهم
النصب قواعد واساس
يحرقهم يلعن اهاليهم
خناسة بتسوق وسواس
من قبلي لبحري تلاقيهم
ليست هناك تعليقات:
إرسال تعليق