***** اه يازمن البتوع *****
عم احمد قال ... البتاع
لما كان فيه. ..... بتاع
دلوقتى ... زادو
بقو مجموعة ... بتوع
ف كل حته ..فيه بتاع
عن يمينا ... عن شمالنا
تلقى باصصلك .. بتاع
بقو شلة ... م الضباع
ماصه دمى ... للنخاع
شالو حطو ...
طلعو نزلو ...
هما فوق .... ف البتوع
واحنا نونو .. ف السبوع
صنف تانى ... م البتاع
بس يتقاله .... بتاع
كنا قدوة ..... ف البتاع
غيرنا تايه ... ف الضياع
واحنا ف صفوف البتاع
من صغارنا .... ل كبارنا
جدره واصل ... للبتوع
كله شاكر ...
كله حامد .... .. وقنوع
وحتى لو مالناش بتاع
كنا بنأجر ..... بتاع
تلقى ف الصبح .. بتاع
جاى طازة ... م البتوع
حاجه حلوة ف اللذاذة
شكله حلو .. ف الازازة
أحلى من أى ... بتاع
حاجة تشبع ...الجياع
ولا حوجة ... البتوع
وعيشنا طازة مش رجوع
الارض كان خيرها لينا
مش بس رايح ... للبتاع
لما كان ... عشق ومالينا
قبل ما تبقى ... مشاع
أرض جدى ... وجد جدى
زى ما هاسيبها ... لبنى
حقنا ... مش حق البتاع
وحتى لو قال ... البتوع
اننا شوية ........ بتاع
قوله اصحى ... ياحليتها
كل ذرة فى ..... ترابها
أغلى من أى .... بتاع
أرض بلدى. ... زى ولدى
فيها عزى .... فيها مجدى
مش لشارى. ... أو لباع
نفتديها بدمانا ...
وبأى غالى. ... من متاع
وقت ما يدعينا. ... داع
وهى كلمة لاى حد. ... أو بتاع
فوء وصحصح واوعاك تبجح
دا احنا يابنى ...
اللى اخترعنا .... البتاع
أحمد أبو عاصم
ليست هناك تعليقات:
إرسال تعليق