عريس اليوم
عبدالمنعم عدلي،،مصر
لبست توب العرس
والحنه في إديا
والناس ماشيه حوليا
بألذغاريد والدف ليا
وعلي محطة البلد
روحت أستني عريس ليا
جاي ومعاه احلي هديه
نسر ودبورة علي كتفه ليا
ورياح النسيم مابشرتني
بس رياح السماء جت وهنتني
أتريها الحوريه الحلوة
خدته قبل مني
وزينته بمسك الجنه
عيني مابكت مني
والحزن جوه مني
أذغرد ليك ياحبيبي
وأزفك علي إل أحلي مني
كنت محسوبة ليك
أتاريك موعود من الحورية
هنيألك وأنا بغنبلك
زفوا العريس زفوه
للجنه وودوة
وريح المسك علي صدره
وملفوف في علم بلده
دي الحورية عايشة في قلبه
مستنياة من يوم مهده
وكنت فاكرة إني هخده
أتاريه لغيري مش ليا
زفوا العريس زفوه
وشموا ريح الجنه وهنوه
وخدوا بتاره ولاتبكوه
زفوا العريس زفوه
ودمه في رقبه إل زينوه
وللجنه وهيزفوه
نار في قلوبنا وأيدة
بسكينه زايفه
أصلها غيرة ومن يومها عيرة
إل إتحلوا بيها وبالتراب لطخوها
مش عارفين إنها دايمة
وأجسادهم علي التراب عائمه
للغربان والنسور أكلة
زفوا العريس زفوه
وللجنه وودوه
بقلمي عبدالمنعم عدلي
ليست هناك تعليقات:
إرسال تعليق