عجبى على ناس عايشين
كأنهم أموات
شاربين الظلم شرب
حياتهم كلها فى سكات
ياللى ارتضيتوا
الخنوع
اصحوا بلاها سبات
اصرخوا وقولوا
معترضين
ايوة احنا مش ساكتين
طالما السكات ذلات
فاتورة الكهرباء
طينت عشتى
فلست جيبى ضلمت
اوضتى
هو عشان لمبة ومروحة
ارهن انا نفسي
معدشى عندى حاجات
يالمبة الجاز
إيامك كانت عز
ماكنش فيه بوتجاز
كانت عيشتنى تلذ
كان فيه كانون ومدور
وفرن العيش الشمسي
لها فى الدار حكايات
...... على حافظ
المصرى
ليست هناك تعليقات:
إرسال تعليق