قصيدة ( دخّن عفّر يا مسكين ) باللغة العامية
..........................................
دخّـن عفّـر يـا مسكيــــن
عقلك ولّـى وراح علـى فين
.
دخّـن عفّـر أصلـك عايـش
مش دريان بالعيشــة سنين
.
تضـرب تقلـب كلك خيبــة
دا انت هتفطس ف دقيقتين
.
دخّــن ضيّــــع رزق ولادك
دخّـن واعمــل فيهــا أمين
.
تشكي في بيتك م المصاريف
تشتـري خيبتـك بالمـلايين
.
مش هتّوب من شرب سجاير
يـلا يـا راجـل يـلا الحيـن
.
ولّا هيفضــل عقلك ضايـع
يـلا أوام يـا غـراب البيـن
.
افهـم واوعى لنفسك دايما
واعـرف رايـح بيهـا لفيـن
.
كل سيجـارة تهد ف عمـرك
وانت شايلهـا ف نن العيـن
.
انفـخ عفّــر بـردك عيّــل
بعد فطامه يعيش ف أنيــن
.
أرضــع وافـرح يمكن بكرة
تفرش بيتـك وحـل وطيـن
.
عيّل ... لأ دا العيّــل أعقل
راجــل بس بعقــل جنيــن
.
انفـخ يـلا بسـرعة وزمّــر
يمكـن تفلــح ف التلحيــن
.
دخّــن وانسـى أوامر دينك
واهـدم فيهــا ليـوم الدين
.
دخّـــن عفّـــر ولأولادك
اعمــل يـلا بسرعـة كميـن
.
مين هيصـدق وعظ تقولـه
وانت حياتك في سيجارتين
.
انفــخ دخّــن عفّــر زمّــر
والأولاد ف البيـت جعانيـن
.
مش هتلاقي لنفسك خيبـة
زي سيـجـــارة أو عقبيــن
.
مش هتلاقي لقلبـك بلـوى
زي الهانــم ف الدكاكيــن
.
قلت وكـل كلامـك فاضـــي
ما يقولهـوش إلا المجانيـن
.
قلت حــرام بنولّــع فيهــا
لو دي حلال محتـاج نَفَسين
.
راجل يا بني بمعنى الكلمة
جبت الخيبـة أوام دي منين
.
فكـر واعقـل وافطم نفسك
عمرك عدى خلاص سنتيـن
..
من أشعار
شرف أحمد عبدالناصر
ليست هناك تعليقات:
إرسال تعليق