***** نظرة عين *****
كل معارفى عارفينها
زى ماهما عرفونى
وفهموا النظرة فى عنيها
زى ماهى فى عيونى
ومهما حاولت يوم اخبى
أشوفها عينى تفضحنى
وجسمى كله يتوتر
واعرق
كأن الدنيا بتمطر
واسخن
واحس إنى بردان
واشرب
ويفضل حلقى عطشان
وكل ماتيجى وتقرب
يتنفض جسمى
ورؤيتها تنسينى
حروف إسمى
وافتكره لما تندهلى
وصوتى ينحاش مايطلعشى
واخاف إنها تمشى
وكﻻم كتير باكون حافظه
وشعر ليﻻتى باكون ناظمه
كله ف راسى يتبخر
وليه يالسانى تتأخر
وعيونها ليا تستنظر
قبل كﻻمى نظرة عين
أتارينى حتى للنظرة
عايزلى سنين
أحمد أبو عاصم
ليست هناك تعليقات:
إرسال تعليق