مرسوم على طيفي الأمل
يوم ما اختفى
ملقتش لحظة للوفا
ولا حتى بسمة بتترسم ساعة صفا
كل اللي شفته يا دوب سراب
أحلام بتضحك جوا صفحات الكتاب
ومفيش أمل الفرح غاب
ودموع على خدود الشباب متأسفة
وأنا وحدي في بلاد الألم
عايش وبضحك للقلم
يمكن يحس بدمع قلبي اللي انظلم
ويشيل عن الحلم الجفا
كل أما أقول الشوق طرح
ألقاني طاير م الفرح
فجأة المشاعر تنجرح
وأرجع كما كنت أنا
وسنين بتضحك للهموم
وعيون بترسملي غيوم
هو مفيش في الدنيا غير قلبي الحنون
يا سنين كفاية فلسفة
كيلك طفح
لو عبد سيده كان صفح
بصي لقلبي اللى انجرح
وألا خلاص نوري انطفى
يا لوعتي فين دمعتي
كتر الهموم غير عيوني وهيئتي
ونسيت معالم دنيتي
ونسيت كمان معنى الوفا
الشاعر / ناصر عبد المقصود
ليست هناك تعليقات:
إرسال تعليق