(((أفتكاسات)))
سبيك بس من الدبلجه
وركز على الحركات
حروف طلعه مترتبه
وبتترص فى كلمات
أقعد أتفرج من غير شوشره
عرفت كلها شكليات
فر وألب فى الكتالوج
خليك عايش جو التهريج والمنولوج
شيفك قربت تفهم الحركات
وبدأت ترمى فى أفهات
ضحكتك طلعه بالعافيه
الناس عارفه وساكته
وبتقول قلبك مات
يمكن تكون زيادة كهربا
وأنفجار فى العدادات
حاول تعيش فى يوم تانى
ميكونش فيه توابع وهزات
دا الشمس طالعه مزنهره ومنوره
وفى الضلمه بعض الوشوش قمرات
حاول تلبس قميص مشجر
على كرفته سوده كروهات
ولاتستعجب ولاتستغرب
هى الدنيا كده مليانه أفتكاسات
وعلى رأى اللى قالوا الحى أبقى من اللى مات
كلمات/محمودصلاح السيد
ليست هناك تعليقات:
إرسال تعليق