( أمى فى ذمة
الله )
كان محجوزه .... جوه
عنايه
أما القلب ...
فكان محتاج والله
طفايه
كانت تضحك دايما
لينا
فجأة لقينا
فرد الأمن ينادى
علينا
دخلنا الأوضة
وشفنا الغاليه
.... كان ملفوفه جوه
ملايه
مات الغاليه ... ورفرف
قلبي
يبكى عليها
ونزل الدمع... تقول
بصايه
مُت يا ماما ... بس
نسيتى
تجبري خاطرى
وتجاوبينى
بعد رحيلك
مين هيحضر .... زى
العاده
ليا عشايا
بعد رحيلك ...مين
هيسرح
شعرى التايه ..... بالفلايه
بعد رحيلك ... مين
يدينى
نايب لحمه
ويصبر نفسه .... بالعضمايه
فاكره يا غاليه ..يوم
ما ناديتك
اطلبي يله..... ألف
عبايه
يومها ضحكتى
وقلتى يا ولدى واحده
كفايه
قلتى يا ولدى ... بص
لحالك
وأحسن حاجة تحط فى
عينك
ميت حصوايه
فاكره يا غاليه ... وعدك
ليا
إنك تصلبي طولك
دايما
وتوقفى جنبي .. وتاخدى
عزايا
فاكره وعدك ... لما
أموت
تمشى ورايا
مت يا غاليه ... بس
نسيتى
بعد رحيلك ... مين
يتجرأ
ويقدر يدفن ... جسد
الغاليه
فى الفسقايه
شعر / حمودة المطيرى
ليست هناك تعليقات:
إرسال تعليق