"طلسمات الروح
سيبكم من الصورة
تعالوا نسمع صوت
والهمس متااخد
بيوشوش النية
ولكل نية طريق
وطريقنا مش واحد
وكل واحد فينا
محتاج ف لحظة يموت
ويحس بالمقامات
ويجرب المسافات
ويعيشها جوا خانات
م يسيبش لحظة تفوت
على ضلها الباهت
شاخت ليالينا
مابين آنين وسكوت
يا همسها المسموع
سفك الحنين منحوت
على قلبها الموجوع
يا دنيا مفهاش عدل
بالتيلا أو بالفضل
واهى طلسمات الروح
بحاول إنى ابوح
وما بانش فى الصورة
عصفور حزين مجروح
لكنه دا المكتوب
على كل عاصى يتوب
من عشقها الخداع
يا دنيا حَملك زيف
الكل عايشِك ضيف
بتعشمه الاطماع
واخيرا اللى بدأا
ينحر عواطفه فداا
علشان ميندمشى
ويخبى فى المكنون
يراضيها مهما تكون
فى أمور متسلمشى
ياخالق الاكوان
قلبى ضعيف وجبان
والدمع فوق رمشى
إصفح عن اللى كان
العدل فى الميزان
والفضل من جودك
جود على الغلبان
بحبتين إحسان
ودلاله بعهودك
.
...
....
يارب إنصافك "
___________
احمد عبدالفتاح ...
ليست هناك تعليقات:
إرسال تعليق