***** جرب تخشع *****
ياللي بتنوي ..... تمللي تصلي
هيأ نفسك ........... قبلا ليها
حضر قلبك .......... للقاء ربك
وخلي خشوعك ... دايما فيها
واعلم إن صلاتك ..... صلتك
يعني وسيلة ....... تكلم ربك
لو أديتها ......... وبأحكامها
تخرج منها .... متزال همك
فادرس واتعلم ........ أركانها
واعرف برضه ...... كل سننها
وانا والله ....... لأني بحبك
ناوي إني .......... أعرفهالك
وبصورة بسيطة ... أوضحهالك
جاي متوضي ... وأكيد طاهر
حامل هم ..... أدائها وشاعر
إن خشوعك .... شرط قبولك
بكل جوارحك ... فيها وشعورك
ياللي بتنوي ..... تمللي تصلي
هيأ نفسك ........... قبلا ليها
حضر قلبك .......... للقاء ربك
وخلي خشوعك ... دايما فيها
أول ركن فيها ............ النية
خلي النية .... تبقى ف قلبك
مش بلسانك ...... ولا علانية
صلاة ... جهرية ...... أو سرية
تاني أركانها ......... الله أكبر
يعني ......... تكبيرة الإحرام
الله أكبر ........
وكل مادونه ...... طبعا أصغر
تلقى الدنيا .... ف قلبك تصغر
تالت ركن ........ وقوفك فيها
لو مش قادر ...... ممكن تقعد
حتى مريضنا ... عليه مفروضة
لو مش قادر يقعد .......... يرقد
أو بهزة راس ......... مقصودة
رابع ركن .......... تقرا الفاتحة
يعني بدونها ... صلاتك باطلة
ف كل ركعة ....... لازم تقراها
قراية سليمة ...... يكمل معناها
خامس ركن ..... ركوعك فيها
وتعظيم ربك ........
بركوع كامل ........ يكمل بيها
وركن أساسي ...... رفعك منه
بقيام كامل ......... ياخد حقه
سادس ركن ....... تنزل ساجد
ركبك ...... ثم إيديك والجبهة
سبح ربك .... ب صيغة العابد
واطلب منه ....... ثواب الجنة
سابع ركن ........ قعودك بعده
قاعدة سليمة ...... فيها تشهد
واعلم إن نبيك ......... سامعه
لما تسلم .............. رده تعهد
وبكده كملت ....... ركعة تمام
كرر فعلك .......... ف الركعات
وأخر ركن فيها .......... سلام
واستغفر ربك ........ م الزلات
ياللي بتنوي ..... تمللي تصلي
هيأ نفسك ........... قبلا ليها
حضر قلبك .......... للقاء ربك
وخلي خشوعك ... دايما فيها
بقلمي أحمد أبو عاصم
ليست هناك تعليقات:
إرسال تعليق