على الدنيا السلام
عبدالمنعم عدلى--مصر
اهى دنيا وماشية
رضينا ام لم نرضى
الناس فيها تايه
ومحدش عارف اولها من اخرها
والناس فيها رايحة وجايه
والكل بينافق كلة
وشوش غدارة
ذى الساقية الدوارة
اصلها قطر وماشى
وكل محطة ليها نازل وراكب
واهى دنيا وماشية
ملهاش حبيب ولا صاحب
بس فيها تابع
والتابع فيها طالح
يخسارة يادنيا
كلمة الحق فيك
تحت المداس تنداس
لو بايدينا ما خلقنا تعساء
اصلة كاس وداير
والكل ماشى فى دواير
ومحدش عارف يخرج من وراء الستاير
واهى دنيا وماشية
والعيون فيها بصة
بتحسد نسمة الهواء الصافية
والحياة فيها مدة وجزرة
واهى دنيا وماشية
وعليها السلام
قبل الفنى باعوام
والكل نسى الوئام
واهى دنيا وماشية
بقلمى عبدالمنعم عدلى
ليست هناك تعليقات:
إرسال تعليق